Skip to main content
ActualidadeVilalba

Un vilalbés, investigado por presunto delito de omisión do deber de socorro tras un accidente

Por 15 Setembro, 2017Setembro 16th, 2017Sin comentarios

Sobre as sete da mañá do mércores 13 de setembro de 2017, á altura do Km 12,100 da estrada LU-111 (Rábade- Cospeito), Termo Municipal de Cospeito e Partido Xudicial de Villalba (Lugo), produciuse un accidente de circulación consistente en colisión entre un ciclomotor e un vehículo que abandonou o lugar sen socorrer ao condutor do ciclomotor, o cal resultou ferido e precisou asistencia médica sendo trasladado ao Hospital Universitario Lucus Augusti de Lugo.

No lugar do accidente compareceu instantes despois o equipo de atestados do Subsector de Tráfico da Garda Civil de Lugo que á vista dos feitos pasou aviso ao Grupo de Investigación e Análise de Tráfico que iniciaron unha investigación a fin de localizar e identificar o vehículo fuxido e o condutor do mesmo.

As investigacións realizadas polo Grupo GIAT deron resultado apenas 24 horas despois de producirse o accidente, dado que sobre as sete e media do 14 de setembro de 2017 localizaron ao vehículo fuxido circulando polas proximidades do lugar onde se producira a colisión o día anterior.

A continuación e en coordinación cunha patrulla do Destacamento de Tráfico da Garda Civil de Villalba lograron parar e identificar o vehículo e ao seu condutor que resultou ser un veciño de Vilalba de 40 anos. Seguidamente procedeuse a informar o condutor do furgón dos seus dereitos como investigado en relación a un suposto delito de omisión do deber de socorro, instruíndose as pertinentes dilixencias para a súa entrega no Xulgado de Instrución de Garda de Villalba.