Biciclistas Galegos organiza en Vilalba, coa colaboración do Concello, unha charla informativa sobre medicina deportiva que impartirá Xoán M. Rodríguez Bastida, Licenciado en Medicina e Ciruxía (Especialista en Medicina e Fisioloxía do deporte). Foi médico de equipos ciclistas profesionais como o Xacobeo Galicia, Euskaltel, Relax Fuenlabrada, entre outros. Actualmente traballa con numerosos deportistas de alto nivel e é médico das seleccións galegas de fútbol.
A charla, de balde, terá lugar o sábado 30 de setembro ás sete da tarde na Casa da Cultura de Vilalba.
