As obras de acondicionamento da Casa Niño de Riotorto comezarán en breve, para dar un servizo necesario aos veciños, aínda que tamén estará aberta a residentes noutras localidades próximas. A encargada do proxecto é unha empresaria autónoma con estudos en Educación Infantil que percibirá por parte da Xunta de Galicia a cantidade de 15.000 euros para material e a reforma do local, e tamén unha renda anual de 19.600 euros durante 3 anos.
O servizo será gratuito para os usuarios, e só consta coa limitación de ter 5 nenos por quenda. Abrirá o dia 1 de marzo, estará situada nos baixos da Casa Consistorial, onde se atopaba a antiga biblioteca municipal, nun local cedido polo Concello.
Tal e como explica o alcalde, Clemente Iglesias, “no ano pasado 2017 naceron 7 nenos en Riotorto, e é un servizo primordial, xa que non existe punto de atención a infancia ou garderias dá Xunta, porque non acadamos o numero de nenos necesarios para poñelo en marcha, que son 20 de 0 a 3 anos.
