Skip to main content
ActualidadeVilalba

As festas de San Ramón de Vilalba xa teñen pregoeira

Por 15 Xullo, 2018Sin comentarios

As festas de de San Ramón de Vilalba xa teñen pregoeira. A encargada este ano será Marta Felpeto, xuíza internacional de piragüismo. A elixida polo concello comezará o seu labor no auditorio na entrega dos premios do Certame Literario, cuxo prazo de presentación remata o venres 13. A entrega de premios como é costume será o 30 de agosto.

A pregoeira, nada en Vilalaba, pero asentada en Catoira dende o 2000, é un referente no mundo do piragüismo, e a primeira muller española na historia da directiva da European Canoe Association; razón pola que o ano pasado recibiu a Insignia Olímpica do Comité Olímpico Español.

PROGRAMA. Xa están confirmadas as actuacións de Combo Dominicano e Dúo Estrellas, que tocarán o 30 de agosto, víspera do patrón; as orquestras Pontevedra e Gran Parada farano o día 31; La Ola ADN e París de Noia amenizarán o día 1 de setembro, e por último o día 2 cerrarán as patronais Xacobeo e Panorama.

Estas patronais estrenana nova comisión de festas, da que forman parte Charo Carreira e Manuel Prado, que serán os responsables este ano de elaborar o programa desta cita anual, que ten por tradición ser a última semana de agosto.

Falta aínda por confirmar quen actuará os días 25 e 26 de agosto coincidindo coa Xira. “Gustaríanos organizar mais cousas, pero según vaian avanzando os días e teñamos mais cartos, iranse sumando actos o programa” din os membros da comisión.  Con este pequeno adianto, as festas comezan a conformar un programa que é un dos máis esperados do ano.