Skip to main content
Cervo

O Concello de Cervo entrega 1.250 euros a cada un dos centros educativos do municipio

Por 2 Xaneiro, 2019Sin comentarios

O alcalde de Cervo, Alfonso Villares, e a edil de Educación, Dolores García Caramés, entregáronlles os cheques aos directores dos tres centros educativos do municipio; Xosé Manuel Rubal, do IES Marqués de Sargadelos; Manuel Martínez, do CEIP de Cervo; e José Ángel Riveira do CEIP Península da Paz.

Trátase dunha contribución para os gastos de funcionamento e para o impulso das actividades que promoven ao longo do curso.

Villares xa anunciou que estas partidas serán recollidas de novo nos orzamentos de 2019 “porque para nós a educación é un piar fundamental e sabemos que é unha axuda importante para o traballo que se desenvolve no seo educativo”.