Skip to main content
ActualidadeAMARIÑAXA

O BNG pide explicacións ao novo plan de atención primaria

Por 24 Febreiro, 2019Xaneiro 27th, 2021Sin comentarios

O BNG solicita a comparecencia do conselleiro de Sanidade, Jesús Almuíña para que explique, no Parlamento galego, as medidas sobre o novo Plan de Atención Primaria que a portavoz de sanidade do BNG, Montse Prado  cualifica de “saída en falso”.
A deputada e portavoz de sanidade do BNG, Montse Prado asegura que o novo plan do Partido popular “non responde ás demandas urxentes” reclamadas por diferentes colectivos da Sanidade Pública galega e engade que está trufado de “ambigüidades e non concreta prazos” para a súa execución.
Por outra parte, tampouco prevé a recuperación das xerencias de Atención Primaria con capacidade de “decisión, resolución e orzamentos necesarios” para a aplicación das 175 medidas e propón, exclusivamente, un director con funcións de coordinación.
Prado tamén sinala que non establece o número de prazas convocadas na OPE para estabilizar ao persoal e rematar coa actual precariedade.