Skip to main content
ActualidadeFriol TERRACHÁXA

O Concello de Friol inaugura un novo centro social na parroquia de Lea

Por 19 Febreiro, 2019Sin comentarios

O Concello de Friol continúa mellorando as instalacións dos centros sociais das súas parroquias como é o caso recente do que está situado en Lea, que foi entragado ao veciños polo alcalde do municipio, José A. Santos. O obxectivo desta iniciativa é “que poidan comezar a facer uso deste centro canto antes, porque os centros sociais teñen como finalidade ser un lugar de encontro dous veciños para levar a cabo nesas instalacións distintos actos que vos propios veciños consideren axeitado non seu propio beneficio”.

O alcalde anunciou tamén que está previsto en breve a entrega doutro novo centro, neste caso están ultimando pequenos detalles da rehabilitación integral da antiga casa da escola situada na parroquia de Vilafiz.

A rehabilitación deste centro social de Lea iniciouse no ano 2017 e terminouse a finais do ano 2018, nel investíronse ao redor de 40.000 euros provenientes de fondos propios municipais. As obras, realizadas pola empresa Cholo SL supuxeron a rehabilitación total do edificio, o cal consta dunha planta duns 100 metros cadrados. Tamén se levaron a cabo obras como acondicionamento da contorna, cimentacións, estrutura, cuberta, fachadas, illamento e impermeabilizacións, particións interiores e falsos teitos, revestimentos, carpinterías, fontanería, electricidade e iluminación, calefacción e ventilación, protección contra incendios, aparellos sanitarios, urbanización exterior e xestión de residuos.

Desde o equipo de Goberno, continúan na liña de rehabilitar os centros xa existentes ou crear uns novos en todas aquelas parroquias onde os veciños o demanden, “o esforzo é enorme, dado que prácticamente unha gran maioría das 32 parroquias do municipio xa contan con ditas instalacións, e deste xeito xa gozan das mesmas”, di o alcalde.

José Angel Santos comenta que nestes momentos desde o Concello estase redactando o proxecto de rehabilitación do centro social da parroquia de Vilalvite, trátase da antiga casa escola que na actualidade está en desuso debido ao gran deterioro que sofre tanto no interior como no exterior do edificio, debido á demanda que os veciños de dita parroquia transmitíronlle nunha reunión celebrada en días pasados no propio consistorio. No Equipo de Goberno empezaron coas xestións necesarias para que esta rehabilitación sexa unha realidade o máis pronto posible.