ActualidadeVilalba

Unha de cal e outra de area nesta xornada para os equipos do TDM Vilalba

Por 11 Febreiro, 2019Sin comentarios

Sorte dispar na xornada desta fin de semana para os equipos vilalbeses. Así, en primeira galega, o equipo do TDM Basanta Souto perdía por 4-1 ante o segundo clasificado, o equipo lucense da Milagrosa, nun partido dominado de principio a fin polos xogadores visitantes.

En segunda galega o equipo do TDM Limpezas García desprazábase a Cambre para enfrontarse ao equipo local, onde se impoñía por unha cómoda vitoria de 4-2. As xogadoras do Limpezas García foron en todo momento donas do partido, así como do marcador, mostrando unha gran progresión e un bonito xogo.

A vindeira fin de semana a liga regular sufrirá un parón debido ao desenvolvemento do campionato nacional de tenis de mesa por categorías a disputar en Valladolid, onde o TDM Vilalba estará representado pola xogadora Sabela López, na categoría infantil.