Kids&Us Ribadeo abre o prazo de matrícula para o curso 2019-2020 o vindeiro luns, 3 de xuño, para todos os novos alumnos interesados en coñecer a metodoloxía e o centro. Ademais organiza campamentos de verán con actividades náuticas para nenos de 3 a 10 anos que se desenvolverán nos meses de xullo e agosto en Foz e Ribadeo.
A directora do centro ribadense, Laura López Figueroa, explica que “Kids&Us organiza campamentos urbanos temáticos que ofrecen unha inmersión lingüística total para nenos e nenas de 3 a 10 anos. Este ano todos os campamentos de Kids&Us Ribadeo celebraranse fóra do centro, en colaboración con entidades deportivas, para que os nenos e nenas gocen ao máximo do verán. Do 1 ao 12 de xullo estarán en Foz participando en actividades marítimas organizadas por Maremasma e desde o 15 de xullo ata o 9 de agosto as actividades desenvolveranse en Ribadeo, nas instalacións do Real Club Náutico. Os campamentos están cheos de actividades exclusivas para seguir aprendendo inglés nun entorno aínda máis divertido: xogos, bailes, teatro e manualidades son algunhas delas. A todo isto súmanse as actividades marítimas organizadas por Maremasma en Foz e polo Real Club Náutico en Ribadeo”.
Laura López engade que “Kids&Us é moito máis que unha escola de idiomas, é un universo no que a aprendizaxe do inglés de forma natural se fai realidade e no que xa confían máis de 220 familias na zona da Mariña lucense e o Occidente de Asturias. O método Kids&Us revolucionou o sistema tradicional de aprendizaxe da lingua grazas a un enfoque totalmente innovador que reinventa os procesos de aprendizaxe dun segundo idioma e trata aos nenos como potenciais nativos do inglés. En Kids&Us utilizamos unha metodoloxía de aprendizaxe propia baseada no proceso natural de adquisición da lingua materna, un proceso infalible que ten lugar nunha orde determinada, natural e espontánea. Esta metodoloxía permite que nenos e nenas a partir dun ano comecen a aprender inglés de forma efectiva e acompáñaos durante a infancia e a adolescencia ata lograr un bo dominio do idioma”.
