Skip to main content
AbadínActualidade

O descenso de carrilanas de Abadín será o 14 de xullo

Por 29 Xuño, 2019Sin comentarios

Abadín acollerá un ano máis o descenso de Carrilanas, unha actividade que se celebra de forma ininterrompida na localidade desde hai dezaoito anos pero que nesta ocasión deberá mudar o seu percorrido por mor das obras na zona dos eólicos.

A competición terá lugar o domingo 14 de xullo entre as 16.00 e as 20.00 horas con diferentes categorías segundo a velocidade da carrilana.

Esta proba, que abrirá a inscrición ese mesmo día entre as 10.30 e as 13.00 horas, será un ano máis unha das catro puntuables para o Campionato Galego 2018, concretamente a segunda, que se atopa lexislado pola Federación de Deportes de inercia.

O percorrido constará da metad do percorrido deixando unicamente o tramo ddo Concello, ata o centro de Abadín, concretamente ao lado do centro de saúde.

As previsións falan de novo dunha participación de preto dun centenar de carrilanas que se dividen en diferentes categorías: neumática, rodamentos, skeleton, gravity bike, street luge, patinaxe de descenso ou madeira. Todos eles poderán probar os seus vehículos a tarde anterior.

Novamente primará a seguridade con puntos diferentes  de control ao longo de todo o percorrido, do mesmo xeito que os vehículos teñen a obriga de contar con sistema de seguridade de dobre freado, arco de seguridade e carecer de aristas cortantes.

Pola súa banda, o Concello contribúe coa achega de medios municipais, como vallas e barreiras de seguidade nos puntos máis conflictivos.

Haberá trofeos para os dous primeiros clasificados en cada unha das categorías e agasallos para todos os participantes así como distinción para o deseño máis orixinal, a carrilana mellor feita e a participación local.