O Real Club Náutico de Ribadeo convoca aos seus 900 asociados, aproximadamente, a asistir a unha asemblea xeral ordinaria que terá lugar o día 14 de agosto, mércores, nunha xornada na que está previsto homenaxear a un cento de asociados.
A asemblea vaise celebrar no salón social da entidade ribadense, ás 20:00 horas, en primeira convocatoria e ás 20:30, en segunda, co seguinte orde do día: para empezar, darase lectura e aprobación se procede á acta da última asemblea.
Despois, abordarase o estudo e tamén se someterá a aprobación das contas correspondentes ao exercicio de 2018.
A entidade que preside Ramón Acuña tamén prevé aprobar as contas do presente exercicio, as de 2019, así como expoñer unha serie de informes e propostas por parte da xunta directiva.
Respecto da anterior xunta directiva, daráse conta da situación do expediente.
Un dos puntos máis agardados será o recoñecemento aos cen socios, da terceira tanda, máis antigos da entidade, antes de proceder á parte de rogos e preguntas.
