O Concello de Guitiriz pechou ao tráfico a rúa Nova debido á aparición dunha fochanca de gran profundidade que impedía totalmente a circulación. Como alternativa e xa que a rúa dá acceso a garaxes o Concello estableceu un desvío alternativo para os usuarios e usuarias desta vía.
A razón pola que se prohibiu a circulación é porque debaixo do firme atoparon oquedades e problemas coa rede de alcantarillado.
Así, estes deberán ir por Rosalía de Castro e posteriormente empregar un camiño público, que se rematará que xa é apto para o paso de vehículos.
A incidencia e o desvío habilitado xa están sinalizados e o goberno local está a acometer o amaño da fochanca para poder abrir a rúa o antes posible.
Aínda non se puido precisar o tempo que estará pechada ao tráfico esta vía, que dependerá da duración dos traballos, que requerirán un estudo previo. Por outra banda, a alcaldesa avanzou que a intervención estará ao cargo do fondo de emerxencia municipal.
Por outra banda, o Concello de Guitiriz aprobou o expediente de contratación por procedemento aberto simplificado para o contrato privado de aluguer da parcela no casco urbano para aparcadoiro publico.
O prazo de presentación de ofertas estará aberto ata o día 28 de setembro.
