O poeta e contador de historias Lois Pérez actuará este luns no ciclo cultural en liña As Letras na rede, organizado pola área de Cultura da Deputación de Lugo para celebrar o Día das Letras Galegas e apoiar ao sector cultural da provincia.
A partir das 19.00 horas, as redes sociais e a canle de Youtube da Vicepresidencia da Deputación de Lugo difundirán a actuación do poeta lucense, que ofrecerá un anaco de “Lirica Piringalla”, un entremés do proxecto “Lugo Philadelphia” que combina poesía, música, narración oral e humor.
Ao longo das próximas xornadas, ata o 27 de maio, As Letras en rede ofrecerá concertos e espectáculos escénicos de Davide Salvado, Ugia Pedreira, Raiceira, Pepe Vaamonde Trío, Lois Pérez, Olga Novo, Marina Oural, Mamá Cabra, Ana Carreira e Mircromina Teatro.
