Skip to main content
ActualidadeAMARIÑAXA

Baixan por segundo día os casos activos de coronavirus

Por 9 Novembro, 2020Xaneiro 27th, 2021Sin comentarios

Baixan por segundo día os casos activos de coronavirusA provincia de Lugo volve baixar por segundo día consetivo os casos activos de coronavirus, que se sitúan en 1.116, once menos que onte. Malia este descenso producíronse 60 casos novos nas últimas 24 horas, con datos do Sergas, coma sempre das 18.00 horas do día anterior. Deste xeito, xa son 4.982 as persoas afectadas por coronavirus dende o mes de marzo.

Continúan aumentando eso si o número de persoas hospitalizadas. Hoxe son xa 58, sete máis que onte. Na UCI do Hula segue habendo catro persoas e 33 en planta (3 máis), 17 en Burela (3 máis) e 4 en Monforte (1 máis).

As boas novas, 69 persoas recibiron a alta polo que xa son 3.763 as persoas que superaron a enfermidade dende o inicio.

Pola contra 104 perderon a vida dende o principio, ningunha nas últimas horas.

Respecto ao mapa de alertas, en vermello seguen Lugo, Burela, Cervo, Viveiro e Chantada mentres que Monforte, que xa baixou en laranxa continúa nesta mesma situaación ao igual que Sarria, que empeorou nas últimas horas.

Ao nivel amarelo volve Monterroso e súmase Carballedo mentres que Xove e Pedrafitan saen da zona de alerta. Seguen nesta situación Outeiro de Rei, Palas, Guntín, O Corgo, Castroverde, Foz e Valadouro, así como As Pontes na Coruña.