Seguindo a correlación de actividades durante este ano, Cospeito non contará esta fin de semana coa celebración da súa popular Feira do Porco da Ceba, que se vén celebrando os últimos anos o último sábado de novembro.
A situación sanitaria foi a razón que se esgrimiu para a súa suspensión. De feito, Lugo e Vilalba teñen aínda peche perimetral e mesmo Cospeito conta cun número de positivos suficiente para manter aínda máis se cabe a vixilancia.
Esta tiña que ser a edición número XXII da feira, que sempre leva aparellados varios actos culturais que deberán deixarse para a próxima edición, que tería lugar o ano que vén.
