A Delegación Municipal de Cultura de Burela e a Deputación Provincial de Lugo dentro do Ciclo Seráns Teatrais presentan, este venres 4 de decembro, ás 21:00 horas esta obra para público maior de 12 anos.
A entrada será de balde, a apertura de portas será ás 20:40 horas ata completar o aforo permitido de 50 butacas.
A peza
Trátase dunha adaptación da obra homónima do dramaturgo contemporáneo venezolano Gustavo Ott, que profunda na necesidade humana de imaxinar ficcións para fuxir da realidade.
Cinco minutos sen respirar retrata os anhelos, o medo e a escuridade que pode albergar unha persoa a través de dous personaxes: Margarita, unha (ex)empregada de banca, e Víctor, supervisor nun supermercado.
A montaxe é unha proposta baseada no traballo de interpretación e cunha dirección escénica que incide nos delirios e as dualidades propias do mundo de hoxe.
Cinco minutos sen respirar, fala sobre a vida, os abusos bancarios, o amor, a explotación laboral, o suicidio, a familia, a violencia… e de tantas outras cousas, que non poden ser resumidas en cinco minutos.
