A Universidade de Santiago de Compostela acordou suspender o acto previsto para mañá, día 29, no Campus de Lugo con motivo da celebración do Santo Tomé de Aquino por mor das restricións adoptadas para frear a propagación da covid-19.
A facultade de Administración e Dirección de Empresas era o escenario elixido para acoller este ano o acto institucional de conmemoración do patrón das universidades. Estaba previsto que o reitor da USC, Antonio López Díaz, presidise a cerimonia e que a profesora Paloma Fisac ofrecese o relatorio ‘O dereito da información e a liberdade de expresión nun Estado de Dereito’.
