Skip to main content
ActualidadeAMARIÑAXA

Alcoa anuncia a súa intención de negociar a venda de Aluminio

Por 4 Xaneiro, 2021Xaneiro 27th, 2021Sin comentarios

Centos de traballadores de Alcoa concentráronse na entrada principal a factoríaÁlvaro Dorado, responsable de Alcoa, anunciou hoxe oas traballadores a súa disposición para negociar de novo a venda da factoría, a condición que se suspenda o paro que impide sacar da fábrica o aluminio producido.

“Co obxectivo de atopar a mellor solución posible á planta de aluminio de San Cibrao, Alcoa está disposta a explorar de novo a súa venda á Sepi, tal e como viñeron demandando o Goberno e os representantes dos traballadores”, indicaron nun comunicado.

Ademais, Alcoa pide “que o Comité de Empresa finalice a folga para que o proceso póidase desenvolver nun ambiente de normalidade e paz social. Convocouse ao Comité de Empresa a unha reunión para o 7 de xaneiro”.

OS TRABALLADORES

Esta mesma declaración faise pública tras un comunidado do comité de empresa onde se urxía á compañía a que sentase a negociar unha solución a cambio de suspender a folga indefinida que afecta a este centro produtivo desde outubro.

Nun escrito con data de este luns, o comité insiste en demandar á compañía que se avenga a negociar tras os últimos fallos do Tribunal Superior de Xustiza de Galicia que lles impide parar as cubas e declara nulo o ERE.

Así, os representantes dos traballadores queren que se abra unha mesa coa SEPI e outra paralela con comité e sindicatos.

Queren unha resposta á súa solicitude dunha reunión sobre o futuro da planta de aluminio, cun ofrecemento do comité para negociar as condicións da folga indefinida iniciada o 4 de outubro. De non ser así, sostén, presentará escrito de execución ante o TSXG.

Ademais, o comité solicita á compañía que cumpra cos acordos para a contratación de todos os eventuais. Así, require unha reunión urxente con Alcoa tras “a continuada postura da empresa de non contratar ao persoal necesario para manter a integridade e seguridade das dúas plantas”, no que considera un incumprimento do laudo arbitral e das medidas cautelares ditadas polo TSXG.

A este respecto, censura a actuación de Alcoa no relativo a: “Desabastecemento de alúmina en electrolisis o 19 de novembro por carga de barco, non rebrascaxe nin arranque de cubas paradas tras sentenza da cautelar e parada de emerxencia en Dixestión”.

Entre outras cuestións, emprázase á empresa a que poñan en marcha as cubas paradas, así como a que haxa contratacións para ter o persoal necesario para a produción actual.