O sábado 9 de xaneiro de 2021 o Auditorio Municipal de Burela acollerá ás 18:30 horas o espectáculo Superhéroe, da man de Fran Rei.
En ausencia de Supernai por motivos laborais o noso Superheroe deberá salvar a humanidade de terribles ameazas sen esquecer a conciliación. Deberá loitar contra perigosos axentes malignos mentres prepara as merendas, pon unha lavadora ou cambia un cueiro. E todo no axustado tempo que lle deixa a apretada axenda de actividades extraescolares dos seus fillos. A entrada será de balde.
