Un total de 41 persoas participaron no primeiro concurso de Decoración de Nadal posto en marcha polo Concello de Xermade este mes de decembro.
No grupo de negocios participaron só 4 persoas, pero no de vivendas, participaron 37. Onde máis participación se rexistrou foi na de árbores de nadal, na que houbo 12 propostas e na que Montserrat Amarelo Cabarcos, da parroquia de Burgás, fíxose co primeiro premio.
En decoración exterior foron 11 as propostas e destacou entre elas a de Esther Roca Barro, de Roupar. Para a decoración interior destacaron o papel de Sandra de Bernardo Eimil, de Cazás, que quedou por riba nas 9 propostas presentadas, mentres que en nacementos a vitoria foi para Adela Paz Balsa, de Cabreiros, a mellor de 5 aspirantes.
O negocio vencedor do concurso foi o Bar Casa, en Xermade, a cargo de María Elena Peleteiro Cespón.