O mexicano Israel Gutiérrez é xa xogador do Leite Río Breogán. Este pívot, de 28 anos e 2,08 metros de altura, procede dos Astros de Jalisco, donde compartía equipo con Gustavo Ayón. Toda a súa carreira desenvolveuna en México e Arxentina.
Segundo explican desde do CB Breogán, o acordo co xogador foi moi rápido “pola predisposición do internacional para integrarse na disciplina dun equipo estruturado e recoñecido dentro da súa competición como é o Leite Río Breogán, e que lle abre a porta ao seu desexo de coñecer o baloncesto europeo”.
A incorporación de Israel Gutiérrez vén reforzar o equipo que dirixe Tito Díaz na procura do ansiado ascenso á ACB. O club define ao novo xogador como “xogador de equipo, traballador e con experiencia, con bo físico, bo bloqueador de xogadores exteriores, e que destaca pola súa achega no rebote e a defensa a xogadores de gran envergadura”.
Israel Gutiérrez
