O Concello da Fonsagrada colabora estes días coa Federación Alcer Galicia mediante a recollida solidaria de tapóns.
O obxecto desta iniciativa é recadar fondos para a investigación do síndrome de Dent, unha doenza rara dos riles que afecta a unha decena de nenos en Galicia, un deles en Lugo, e que lles supón a necesidade de someterse a varios trasplantes ao longo da vida.
Os tapóns de plástico poden entregarse no Concello da Fonsagrada polas mañás, en horario de oficina.
