O operador da internet Adamo chegou á Fonsagrada. Desde fai unhas semanas, a compañía pon ao dispor dos veciños e veciñas do municipio a fibra óptica máis rápida que existe no mercado das telecomunicacións, chegando aos 1.000 Mbps.
Os tempos actuais, marcados pola pandemia da covid-19, esixen aos operadores de telecomunicacións que sexan capaces de satisfacer a enorme demanda que existe de contar cunha conexión a internet de calidade. Nese senso, a compañía traballa para reducir a fenda dixital e quen queira apostar polo mundo rural poida facelo sen ter que renunciar a estar conectado.
Así as cousas, desde Adamo explican que a súa fibra óptica ofrece capacidades para “poder teletraballar cunha conexión estable, manter vídeo-conferencias sen cortes, estar máis preto dos familiares e amigos que viven lonxe, pasar citas médicas por vídeo-chamada, comprar a través de internet, ter a posibilidade de acceder á educación de xeito remoto e mesmo ver series ou gozar de videoxogos en liña, entre outras opcións”.
O compromiso da compañía é levar a fibra óptica a todos os recunchos da rexión. De aí que se teña convertido no operador de referencia no ámbito rural, ofrecendo servizo aos pobos e zonas onde outros non chegan. Exemplo desa filosofía é precisamente o caso da Fonsagrada, cunha poboación de menos de 3.500 habitantes.
O despregamento da conexión a internet de alta velocidade no municipio fonsagradino únese aos xa realizados por Adamo noutros concellos, como Begonte, Cervo, Ribadeo, Mondoñedo, Meira, Rábade ou Outeiro de Rei.
Adamo usa infraestruturas de Viesgo e leva despregando fibra óptica de máxima velocidade desde o ano 2018.
