Co anuncio dos cambios nas restricións esta vindeira fin de semana, a Casa das Insuas retoma as actividades con vimbio da man da artesá Idoia Cuesta, pendentes de antes do peche decretado pola Xunta tralo Nadal.
Así, o sábado 27 de febreiro, de 10:30 a 14:00 horas, comezarán as actividades con En pé de terra, que consistirá na poda do salicetum da Casa Das Insuas. Os interesados en participar poden inscribirse no 630 948 293. Débese levar roupa e botas de traballo de campo e recoméndase as tesoiras de poda.
O domingo 28 de febreiro, de 10:00 a 14:30 horas, terá lugar a segunda actividade, un obradoiro de cestería con vimbio vivo en maceta. Este ten un custe de 40 euros (35 para os socios da AGCT). Só se admitirán 8 persoas e os interesados en inscribirse poden facelo por whatsapp no 626 420 766.
Ao inicio da actividade explicaranse as estritas medidas de uso debidas á pandemia, que serán de obrigado cumprimento. É obrigatorio o uso de máscara en toda a actividade, así como manter a distancia de seguridade. Non está permitida a asistencia de persoas que vivan en concellos con peche perimetral.
