Paisaxe da Ribeira Sacra
A Ribeira Sacra estase a consolidar, cada vez con máis forza, como un destino turístico demandado polos ‘novos viaxeiros’. Así o confirma a Deputación de Lugo, tendo en conta que “máis do 70%” das persoas que o ano pasado gozaron das rutas en catamarán polos cañóns do Miño e o Sil visitaban por primeira vez a comarca.
En canto á procedencia deses novos viaxeiros, máis do 66% chegaron desde outras comunidades autónomas, o 33% eran galegos e soamente o 1% procedía de países estranxeiros. Estes datos explicaríanse pola situación que provocou a pandemia, xa que as restricións impostas polas autoridades sanitarias “promoveron máis o turismo nacional” e os desprazamentos dentro da propia autonomía, mentras que o número de turistas procedentes doutros países “foi case insignificante”, confirman desde a Deputación.
