Skip to main content
Cultura RIBEIRASACRAXASober

A soprano Sara López dá un recital en Sober o sábado

Por 24 Febreiro, 2021Sin comentarios

O Concello de Sober recupera a actividade cultural e faino, o vindeiro sábado día 27, co recital lírico da soprano Sara López, acompañada por Pablo García Berlanga.

A actuación, organizada polo Concello e as Xuventudes Musicais, terá lugar o sábado, ás 19:00 horas, no Centro Sociocultural de Sober. O aforo estará limitado a 30 persoas, seguindo as normas sanitarias en vigor.

A soprano Sara López Porta, xunto a Pablo García  Berlanga, presentará un recital con música moi diversa que propón un percorrido orixinal polas obras de autores europeos dos últimos séculos.

A parte máis romántica do programa virá dada por Brahms e os seus inesquecibles lieder, mentres que o folclore español fará a súa aparición grazas a ‘Las tonadillas’ d’Enric Selectos. As arias máis belas de obras como ‘La  sonámbula’, de  Bellini, ou ‘Lles contes d’Hoffmann’, de Offenbach, tamén terán o seu sitio neste recital lírico.

A soprano Sara López

SARA LÓPEZ PORTA

Sara López comeza os seus estudos musicais aos 8 anos no Conservatorio Profesional de Música de Valencia, onde cursa frauta de pico. Máis tarde, aos 13 anos, matricúlase na especialidade de canto. Alí finaliza os seus estudos profesionais. Foi alumna de diferentes profesores como Daniel  Gascó, Patricia Llorens, Emilia Onrubia e Ofelia Sala, e recibiu cursos e varias masterclass de Robert Expert, Fiorenza Cedolins, Giulio  Zappa, Isabel Rey e Lucy Arner, entre outros.

No ano 2018 gaña o premio da Fundación Vitoria dos Ángeles no ‘2o Concurso de canto Josep Palet de Martorell”. En decembro de 2019 gaña o Primeiro Premio na 95a convocatoria do concurso ‘Mocidades Musicais de España’. Actualmente estuda canto no Conservatorio Superior de Música de Valencia – Joaquín Rodrigo.