O Concello da Pontenova ampliou o prazo para participar no programa Xuntos pola compostaxe, organizado xunto aos concellos de A Pastoriza, Meira, Pol, Ribeira de Piquín e Riotorto, co apoio financeiro da Consellería de Medio Ambiente, Territorio e Vivenda da Xunta de Galicia e do Fondo Europeo de Desenvolvemento Rexional.
O obxectivo do programa é reducir a fracción orgánica dos residuos.
O proxecto está pensado para a participación de preto de 1.000 veciños, repartidos entre os 6 concellos, que recibirán de forma gratuíta os correspondentes medios materiais para a elaboración de compost, ao mesmo tempo que recibirán formación na materia e asesoramento continuado durante o proceso.
Os interesados en formar parte do mesmo volven ter unha segunda oportunidade para anotarse antes do 30 de marzo ou ata cubrir o límite de prazas. Só será necesario chamar ao Concello facilitando os datos persoais e dispor dunha horta ou xardín de polo menos 50 metros cadrados.
Para participar pídese como único requisito dispor dun espazo de horta ou xardín de 50 metros cadrados e comprometerse a facer un uso responsable do composteiro.
