Tal e como apuntaban os datos de onte, o comité clínico de seguimento da evolución da covid en Galicia acordou na reunión da noite do martes que Paradela pase a estar baixo as máximas restricións xunto á Pobra do Brollón.
Nestes dous permanecerá pechada a hostalaría e están prohibidas as reunións de persoas de non convivintes e a mobilidade fóra do Concello queda prohibida.
A Proba de Bollón mantén un gromo con dez contaxiados (según os datos que tivo en conta o comité) e con unha incidencia elevada. Ao igual, Paradela, que experimentou unha subida ata os 13 casos en dúas xornadas.
Por outra banda, Lourenzá e Guitiriz, que están en alerta media e rebaixando a presenza do virus manterán o nivel de alerta medio ao que se incorpora Chantada, que tamén subiu desde non tener casos hai uns días ata os 13 rexistrados onte.
As novas medidas entrerarán en vigor o venres.
OS DATOS DE HOXE
Mentres a covid, a nivel xeral continúa rebaixando a súa presencia na provincia, con menos casos activos, menos contaxios novos e menos ingresados. Así, hoxe son 244 casos activos, que son 38 menos que onte. Na xornada anterior o descenso foi de 22.
De feito, diagnosticaron nas últimas 24 horas 6 casos novos (onte foron 13). Ademais, as altas chegaron ás 11.349, 41 en 24 horas, o día anterior foron 35.
Dende que comezou a pandemia, no mes de marzo do pasado ano, hai 11.808 casos rexistrados e 210 persoas falecidas, dous máis, dous homes de 68 e 89 anos ingresados no Hula.
A presión hospitalaria baixa un pouco máis. Na UCI do Hula seguen 6 pacientes, e en planta son 20 enfermos (2 menos), 13 no hospital de Lugo (1 menos), 5 en Monforte (1 menos) e 2 en Burela.
POR COMARCAS
A Mariña
Na comarca, Lourenzá queda en estado de alerta media sen subir de dez e no resto, poucos casos. O Valadouro súmase aos concellos limpos de covid dende hai 15 días.
- Lourenzá segue en alerta media pero por debaixo de 10 casos e rebaixando a incidencia nos últimos 7 días.
- Sen casos novos en 15 días están: Trabada, Ourol, Xove, O Vicedo, Cervo, Barreiros, Foz, Alfoz, Riotorto e O Valadouro.
- Na última semana tampouco tiveron Ribadeo e Mondoñedo.
Terra Chá
A práctica totalidade dos concellos están limpos de covid nos últimos 7 días e Guitiriz continúa o descenso da curva. Rábade xa leva 15 días sen casos covid.
- Guitiriz, en alerta media, baixa a 14 casos novos en quince días, 1 menos.
- No veciño Concello das Pontes están en 14 casos, un máis.
- Sen casos nos últimos quince días están: Pol, Abadín, Cospeito, Friol, Castro de Rei, Muras, A Pastoriza, Begonte, Outeiro de Rei e Rábade.
- Nos últimos sete tampouco tivo casos Meira.
Centro da provincia
Lugo segue á baixa e sen cambios no resto da comarca.
- Lugo reduce novamente 7 casos e queda en 54 en total.
- Limpos de covid nos últimos quince días están: A Fonsagrada, Pedrafita do Cebreiro, Negueira de Muñiz, Navia, Cervantes, Ribeira de Piquín, Becerreá, As Nogais, Portomarín, Antas de Ulla, Palas, O Corgo e Baralla.
Comarca de Sarria
A situación en Paradela cambiará o venres a alerta máxima ao sumar 13 casos.
- Paradela mantén 13 casos todos nesta semana e cunha incidencia elevada, por riba do 500 por 100.000 habitantes. Entra en alerta máxima.
- Láncara, Triacastela, O Incio e O Páramo seguen limpos de covid.
Ribeira Sacra
A comarca mantén a estabilidade trala subida de onte. O comité clínico decidiu manter a A Pobra de Brollón en alerta máxima e sobe a Chantada á media.
- Monforte sobe hoxe a 27 casos, 5 menos.
- Chantada segue en 13 e pasa a alerta media o venres malia que a súa incidencia é menor.
- A Pobra de Brollón rebaixa de dez casos pero seguirá en alerta máxima.
- Sen casos en quince días: Taboada, Carballedo, Folgoso do Courel, Quiroga e Ribas do Sil.
- Sen casos nos últimos sete días entra O Saviñao.
