Skip to main content
Sober

A Banda de Sober anima coa súa música a xornada na que comezaría a Feira do Viño

Por 28 Marzo, 2021Sin comentarios

O pasarrúas fixo unha parada diante da residencia de maiores

De non ser pola actual situación sanitaria, Sober estaría celebrando esta fin de semana unha nova edición da Feira do Viño de Amandi. A pandemia obrigou a adiar esta cita, que se celebrará nos meses de verán se nada o impide, pero a Banda de Música quixo manter a tradición e animar coa súa música as rúas da localidade como adoita facer nos días da feira.

Así, os integrantes da banda fixeron un pasarrúas que serviu de lembranza da cita festiva e animou aos veciños e veciñas. No seu percorrido, os músicos incluíron unha parada diante da residencia de maiores Virxe do Carme, co fin de recoñecer os esforzos de traballadores e usuarios nestes tempos complicados. Algún dos internos animouse a bailar ao son da música que, por uns intres, devolveu a normalidade ao municipio.