A asociación cultural Val de Láncara, en colaboración co Concello de Láncara, organiza unha sesión de contacontos e xogos infantís para o venres de Semana Santa.
A actividade, dirixida a nenos e nenas de 3 a 12 anos, levarase a cabo o venres día 2 de abril, a partires das 17.00 horas.
Para participar na sesión é preciso inscribirse previamente, o que pode facerse chamando ao teléfono 691 17 56 50.
Desde Val de Láncara adiantan que, en caso de que a situación sanitaria do momento o requira, a actividade podería pasar a desenvolverse de xeito telemático.
