O Concello de Sarria vén de sacar a licitación o servizo de comedor da Escola de Educación Infantil, así como as actividades de conciliación deste centro e do CEIP Frei Luis de Granada. O importe total do contrato rolda os 28.000 euros.
As empresas interesadas teñen de prazo ata o vindeiro día 12 para presentar as súas ofertas. Deberán prestar os servizos incluídos no contrato ata o fin deste curso académico, o vindeiro 22 de xuño.
O Concello de Sarria valorará, á hora de adxudicar estas prestacións, aspectos como a realización de probas para a detección da covid aos traballadores ou mesmo o compromiso de organizar unha festa de fin de curso. Ademais, terá en conta que os monitores teñan realizado cursos de habilidades sociais e de control de emocións en nenos e nenas de entre 4 e 12 anos.
EEI de Sarria
