Os Vilares Lareira de soños e a Nova Poesía Guitirica NPG continuarán este sábado a programación de novidades desta tempada nas redes para ofrecer as últimas novidades literarias a través do Facebook destas entidades en directo.
Este sábado, 20 de marzo, presentase Bambán no vento (Fundación Eomaia) de Hortensia Bautista e do colectivo poético Versos de area de Ponteareas e a artista Aurora Quinteiro.
Tratase dunha publicación infantil para todos os públicos centrada no coñecemento do máis próximo. Despois da presentación de Bambán de vento terá lugar a seguinte e última o sábado 27 con Non estamos preparados para medrar (Editora Urutau) da poeta da Costa da Morte Teresa Ríos Noya, poeta da Costa da Morte que reside no Condado e forma parte do colectivo poético Versos de Area ao igual que Hortensia Bautista.
O programa #DoTrinque de novidades literarias está a ter un grande éxito ao ter acadado máis de 500 seguidores en directo e máis de 7.000 reproducións dos vídeos polas redes en diferido, nun formato próximo e cómodo de seguir e no que autores e público interactúan dunha maneira amena e divertida arredor de novísimas e variadas obras literarias.
A programación seguirá en abril con máis novidades literarias ás que calquera se poderá sumar en directo polo Facebook da Nova Poesia Guitirica NPG e posteriormente gravado en diferentes espazos das redes sociais e en YouTube.
A cita es, como no resto de actividades, ás 20.00 horas no Facebook do grupo.
