Skip to main content
Lugo

Unha muller accede á dirección do equipo de atestados da Garda Civil

Por 20 Abril, 2021Sin comentarios

A subdelegada do Goberno, Isabel Rodríguez, recibiu á sarxento  da Garda Civil Silvia Lucena González, a primeira muller que se encargará da coordinación dos equipos de atestados do subsector de Tráfico na provincia de Lugo. Na visita tamén participou o xefe do subsector de Tráfico, capitán José Miguel Martínez.

Isabel Rodríguez deulle a benvida á sarxento Lucena González, que se incorporou ao seu novo destino, e felicitouse pola progresiva incorporación da muller a postos de dirección na vida pública, incluídas as forzas e corpos de seguridade.

A subdelegada tamén lle desexou os maiores éxitos no desempeño da súa responsabilidade, na que se lle encomenda a coordinación das tres bases de atestados que ten a Garda Civil de Tráfico na provincia, situadas en Lugo, Monforte e Burela.

Silvia Lucena, que acaba de ascender ao emprego de sarxento chega a Lugo procedente da provincia de Burgos, onde desempeñaba o emprego de cabo no Equipo de Atestados do Destacamento de Tráfico de Miranda de Ebro.

A nova responsable dos equipos de atestados da provincia é asturiana e ingresou na Garda Civil en 2009.