Xela Arias, a poetisa, tradutora e profesora á que se lle adica este ano o Día das Letras Galegas, será o novo nome que reciba a Escola de Educación Infantil de Sarria tras a aprobación do cambio de nome do centro por parte da Consellería de Cultura, Educación e Universidade.
Tras os trámites comezados en xaneiro por parte do Consello Escolar, a Aministración autonómica publicou a resolución no DOG (Diario Oficial de Galicia) para por en vigor o novo nome. A noticia foi acollida con alegría ante a rapidez do proceso. Así mesmo, a solicitude do cambio de denominación realizouse debido ao exemplo de solidaridade da propia Xela Arias. Tamén se definiu como “unha persoa socialmente comprometida” e “precursora do feminismo na literatura galega nos 90”. Ademais, destacáronse dela outras cualidades “activa, curiosa e polifacética” e púxose en valor o seu labor a favor da lingua e a cultura galegas, “contribuíndo coa súa obra vangardista á renovación dá poesía”.
A autora convertiuse no “eixe central” das actividades deste curso da escola na que se preparará un xardín de Xela Arias ou se realizarán debuxos sobre escritores, entre outras. Nesta segunda, os nenos partirán dun conto da propia Xela no que se fai alusión aos diferentes autores que visitaban a súa casa cando era pequena.
