Continúa o descenso de casos activos na provincia mentres a hospitalización empeora. Así, hoxe son 134 casos activos, 5 menos que onte, cando na xornada anterior o descenso foi de 23.
Diagnosticaron nas últimas 24 horas 3 casos novos (onte foron 5). Ademais, as altas chegaron ás 11.729, 11 en 24 horas, o día anterior foron 26.
Dende que comezou a pandemia, no mes de marzo do pasado ano, hai 12.079 casos rexistrados e 211 persoas falecidas.
A presión hospitalaria empeora. Aumentan un caso na UCI, con 3 ingresados (2 no Hula e 1 en Monforte), mentres en planta son 10 os enfermos (2 máis), 6 no hospital de Lugo (1 máis), 1 en Burela e 3 en Monforte (1 máis).
O sistema de alerta está establecido en 4 niveis. Quedan só tres concellos en alerta alta e o resto en baixa:
- Máxima. Para incidencia maior de 500 casos por 100.000 habitantes.
- Alta. Para incidencia de 250 a 500. O Saviñao, Rábade e A Pobra de Brollón.
- Media. Para incidencia de 150 a 250.
- Baixa. Por debaixo de 150. O resto da provincia.
POR COMARCAS
Como en xornadas previas a situación é estable na parte norte da provincia, onde case non hai cambios. Excepción é Rábade, que está en alerta alta por un gromo familiar e localizado pero que dá unha incidencia elevada polo escaso da súa poboación. No sur segue en situación difícil A Pobra do Brollón mentres o Saviñao mellora xa os seus datos. No centro, Pedrafita queda limpa de covid mentres que Becerreá deixa de estalo tras moitas semanas sen casos.
A Mariña
- Incidencia leve en Viveiro, Burela, Foz e Ribadeo. Barreiros tamén deixar de estar limpo de covid.
- Sen casos novos máis de 15 días están Trabada, Ourol, O Vicedo, Cervo, Alfoz, O Valadouro, Mondoñedo, A Pontenova, Lourenzá e Xove.
- Na última semana tampouco tivo Riotorto.
Terra Chá
- Rábade continúa en situación de alerta alta pero por debaixo dos dez casos.
- Con incidencia leve están Vilalba, Meira, Cospeito, Friol, Guitiriz e Xermade, así como a veciña As Pontes, todos con menos de dez casos.
- Sen positivos nos últimos quince días están: Pol, Abadín, Muras, A Pastoriza e Castro de Rei. Únese Outeiro de Rei.
- Begonte están sen casos novos na última semana.
Centro da provincia
- Lugo chega a 37 casos, 2 máis.
- Con incidencia leve está Becerreá, que deixa de estar limpo de covid.
- Limpos de covid nos últimos quince días están: A Fonsagrada, Pedrafita do Cebreiro, Negueira de Muñiz, Navia, Cervantes, Ribeira de Piquín, As Nogais, Portomarín e Baralla, Baleira, Guntín, O Corgo, Palas, Antas de Ulla, Monforte e Castroverde.
- Sen casos os últimos 7 está e Pedrafita.
Comarca de Sarria
- Paradela e Samos sen casos novos na última semana.
- Láncara e Sarria, tamén con casos, teñen unha incidencia baixa.
- Triacastela, O Incio e O Páramo seguen limpos de covid dende fai semanas.
Ribeira Sacra
- O Saviñao, en alerta alta, reduce a súa incidencia, e segue por debaixo dos 10 casos.
- A Pobra de Brollón, en alerta alta, segue cunha incidencia moi elevada e 10 casos.
- Con incidencia baixa están tamén Monforte, Bóveda, Chantada e Sober.
- Sen casos en quince días: Carballedo, Folgoso do Courel, Ribas de Sil e Taboada.
- Sen casos nos últimos sete días está Pantón e únese Quiroga.
