Este domingo retrocede a incidencia do virus de novo con 158 casos activos, 2 menos que onte, cando a xornada anterior sumou 12.
Diagnosticaron nas últimas 24 horas 8 casos novos (onte foron 18). Ademais, as altas chegaron ás 11.785, 13 en 24 horas, o día anterior foron 9.
Dende que comezou a pandemia, no mes de marzo do pasado ano, hai 12.160 casos rexistrados e 212 persoas falecidas.
A presión hospitalaria mantense estable. A UCI segue con 3 ingresados, mentres en planta son 4 os enfermos, todos no Hula.
Deste xeito, o sistema de alerta, que está establecido en 4 niveis, quedará deste xeito dende o luns:
- Máxima. Para incidencia maior de 500 casos por 100.000 habitantes.
- Alta. Para incidencia de 250 a 500. Barreiros e A Pobra de Brollón.
- Media. Para incidencia de 150 a 250. Rábade
- Baixa. Por debaixo de 150. O resto da provincia.
POR COMARCAS
Pequenos gromos desestabilizan a boa marcha do proceso de control do virus. Así Trabada eleva a incidencia e Fonsagrada, por exemplo deixa de estar limpo tras semanas sen casos. No Sur, seguen de camiño á contención, mellorando cifras.
A Mariña
- Incidencia leve en Cervo, Viveiro, Burela, Foz, Ribadeo e Mondoñedo con incidencia baixa e con menos de 10 casos.
- Barreiros ten alta a incidencia con valores de alerta media e contará o luns con restricións.
- Trabada aumenta os valores de incidencia ata a alerta alta polo que o martes podería cambiar a súa situación.
- Sen casos novos máis de 15 días están Ourol, O Vicedo, Alfoz, O Valadouro, A Pontenova, Lourenzá, Xove e Riotorto.
Terra Chá
- Rábade, que pasará a alerta media, segue sen casos novos na última semana.
- Con incidencia leve están Xermade e A Pastoriza así como a veciña As Pontes, todos con menos de dez casos e incidencia baixa.
- Meira ten incidencia elevada.
- Sen positivos nos últimos quince días están: Pol, Abadín, Muras, Castro de Rei e Begonte.
- Cospeito, Vilalba, Guitiriz e Friol están sen casos novos na última semana.
Centro da provincia
- Lugo reduce contaxios lentamente con 42, 4 menos.
- Con incidencia leve están Becerreá, O Corgo e Baralla, As Nogais. Únese A Fonsagrada tras semanas limpo.
- Limpos de covid nos últimos quince días están: Negueira de Muñiz, Navia, Cervantes, Ribeira de Piquín, Portomarín, Baleira, Guntín, Palas, Antas de Ulla, Monterroso, Castroverde e Pedrafita.
Comarca de Sarria
- Sarria está sen casos novos na última semana.
- Láncara segue con incidencia leve.
- Triacastela, O Incio, O Páramo, Paradela e Samos seguen limpos de covid dende fai dúas semanas.
Ribeira Sacra
- A Pobra de Brollón, en alerta alta, segue con 10 casos e ningún contaxio novo na última semana.
- Con incidencia baixa están tamén Monforte, Sober, Pantón e Chantada.
- Sen casos en quince días: Carballedo, Folgoso do Courel, Ribas de Sil e Taboada. Únese Quiroga.
- Sen casos nos últimos sete días están Bóveda e O Saviñao.
