O Concello de Vilalba organiza este venres, día 28 de maio, a presentación do libro que recolle o poemario gañador no XLVI Certame de Poesía do Concello de Vilalba.
Xerardo Quintiá presentará Obra inacabada de Dosinda Christensen ás 20:00 horas na Casa da Cultura de Vilalba.
Poeta, narrador e autor de literatura xuvenil e infantil, Quintiá naceu en Friol en 1970. En 1984 trasládase a Lugo para realizar estudos de Bacharelato, cidade na que reside desde entón. Está casado, ten un fillo e traballa como axente comercial.
Como poeta ten publicado Aailalalalelo de auga, Do4 Edicións (2001); Poesía en Ruta, premio Fermín Bouza Brey, Espiral Maior 2007; Fornelos & Fornelos, primeira fundación, premio Fiz Vergara Vilariño, Espiral Maior (2011); Fornelos & Fornelos, segunda fundación, premio Eusebio Lourenzo Baleirón, Sotelo Branco (2016), e Fornelos & Fornelos, terceira fundación, premio Lueiro Rey (Xerais, 2019).
Por motivos de aforo, as persoas interesadas deberán inscribirse previamente, no teléfono 982510761 ou no mail cultura@vilalba.es
