A delegación da Asociación Española Contra o Cancro (AECC) organizará roteiros saudables os mércores en Lugo.
Previr o cancro, xestionar o cansazo e gañar en saúde serán os obxectivos dunhas camiñadas que darán comezo o mércores 12 cun roteiro que partirá do carril dos Loureiros e terminará no mesmo punto.
Dará comezo ás once da mañá e cubrirá un percorrido de 4,4 quilómetros. A iniciativa é gratuíta e pódese obter máis información no teléfono 982 250 809 ou no correo electrónico lugo@aecc.es.
