Tras un parón dun ano a causa do covid19, volta o campus de fútbol sala Hermanos Diz coa súa IV edición. O Campus celebrarase do 4 ao 10 de xullo en Sarria e estará organizado polo Club Os Meigallos FS xunto cos irmáns Antonio e Álex Diz, xogadores do Noia Portus Apostoli FS e do Pescados Rubén Burela FS respectivamente.
No campus realizaranse adestramentos e xogos relacionados co fútbol sala, ademais de outro tipo de actividades alternativas coordinadas polos propios irmáns Diz. Así mesmo, o campus contará con visitas de xogadores e xogadoras profesionais de este deporte cos que os participantes poderán conversar e disfrutar de algunha actividade.
Os integrantes do campus terán a opción de quedarse a dormir nas instalacións, así como de disfrutar do campus durante o día e pasar a noite nas súas casas. Para a primeira opción, o prezo será de 325 euros mentras que para a segunda, o prezo será de 275 euros.
O prazo de inscripción abrirase nas próximas semanas e seguirase informando nas redes sociais do propio campus. Para calquera dúbida, pódese contactar con calquera dos dous xogadores.
