A Sarriana SD remata como primeira clasificada na primeira fase desta tempada tan atípica, a falta de dúas xornadas. Así pois, tras o empate a dous o pasado domingo na Cheda contra o segundo clasificado, a SDC Residencia, o equipo sarriao remata primeiro a seis puntos do segundo neste grupo 1º norte da liga preferente de Galicia.
Tras oito partidos disputados, a Sarriana tan só cedeu dous empates; o anteriormente mencionado e o empate da segunda xornada contra o último clasificado, o Ribadeo FC. Desta forma e a pesar de que aínda quedan dous encontros por xogar, a Sarriana xa ten o primeiro posto asegurado e xa está clasificada para a seguinte fase.
