O CEIP Virxe do Corpiño resultou seleccionado para implementar o Proxecto de Educación Dixital (EDixgal) a partir do vindeiro curso 2021/2022.
O alumnado de quinto e sexto de primaria cursará todas as materias en modalidade dixital, sen empregar libros en papel. Para iso, as aulas serán dotadas con encerados dixitais interactivos e cada alumno recibirá un ordenador portátil para o seu emprego na aula e na casa durante todo o curso.
As familias veranse beneficiadas cunha maior alfabetización dixital na súa contorna próxima ademais dos aforros en custos nos materiais educativos.
Este é un novo paso adiante do centro en materia de innovación educativa cunha incorporación decidida das novas tecnoloxías ao proceso de ensino e aprendizaxe.
