O Concello das Pontes comunica a suspensión do concerto de Fuel Fandango, previsto para hoxe, sábado 29 de maio, ás 20:00 horas, no Auditorio Municipal Cinema Alovi, por motivos de saúde dun dos integrantes do grupo.
Desde o Concello e en nome grupo “pedimos desculpas polas molestias que esta situación poida ocasionar ás persoas que adquiriran as entradas para este concerto e desexamos unha pronta e completa recuperación ao integrante de Fuel Fandango.
A organización e o grupo acordamos fixar unha nova data de celebración do concerto e ambos confiamos en que nun futuro, non moi afastado, podamos gozar da súa música nas Pontes”.
O Concello das Pontes garante a devolución do importe da entrada ou manter a reserva da mesma para a nova data. En próximos días ofrecerán máis información sobre os sistemas para manter a reserva ou recuperar o importe da entrada.
