A provincia, tralo pequeno repunte de onte, recupera a senda do control do virus. Así hai este mércores 169 casos activos, 10 menos que onte, cando na xornada anterior a subida foi de 4.
Diagnosticaron nas últimas 24 horas 11 casos novos (onte foron 6) e as altas chegaron ás 11.272, 25 en 24 horas, mentres que o día anterior foron 3.
Dende que comezou a pandemia, no mes de marzo do pasado ano, hai 12.660 casos rexistrados e 214 persoas falecidas.
Nos hospitais, a UCI queda cun paciente, cando había dous a última semana, pero soben os ingresos en planta, que agora son 9 (2 máis), 5 están no Hula (2 máis), 2 en Burela e 2 en Monforte.
O sistema de alertas, que está establecido en 4 niveis, segue deste modo:
- Máxima. Para incidencia maior de 500 casos por 100.000 habitantes.
- Alta. Para incidencia de 250 a 500.
- Media. Para incidencia de 150 a 250. A Pastoriza e Chantada.
- Baixa. Por debaixo de 150. O resto da provincia.
POR COMARCAS
Continúa baixando a incidencia e os concellos limpos de covid seguen aumentando, en especial no sur, onde comeza a remitir a situación en Chantada.
A Mariña
- Incidencia leve en Burela, Foz e Mondoñedo. Únese de novo Viveiro.
- Sen casos novos máis de 15 días están Ourol, O Valadouro, A Pontenova, Riotorto, O Vicedo, Xove, Barreiros, Cervo, Trabada e Lourenzá. Únese Ribadeo.
- Sen casos novos na última semana está Alfoz.
Terra Chá
- Vilalba baixa a 11 casos e segue con incidencia baixa.
- Xermade teñen casos, por debaixo de dez, e con incidencia leve. Pol tamén volve ter casos.
- A Pastoriza (esta en alerta media) están sen casos en 7 días. Únese Guitiriz. Únese As Pontes.
- Sen positivos dende hai máis de quince días están: Abadín, Muras, Begonte, Rábade, Outeiro de Rei, Castro de Rei, Friol e Meira. Únese Cospeito.
Centro da provincia
- Os casos en Lugo soben de novo. Son 64 (3 máis).
- Monterroso ten casos pero con incidencia baixa.
- Levan unha semana sen casos Palas e O Corgo.
- Limpos de covid nos últimos quince días están: Negueira de Muñiz, Navia, Portomarín, Baleira, Guntín, Antas de Ulla, Castroverde, Pedrafita, As Nogais, Baralla, Ribeira de Piquín, Becerreá, Cervantes. Únese A Fonsagrada.
Comarca de Sarria
- Láncara e Sarria teñen casos pero con baixa incidencia.
- O Páramo leva sen positivos unha semana.
- Triacastela, O Incio, Samos e Paradela seguen limpos de covid dende fai dúas semanas polo menos.
Ribeira Sacra
- Chantada baixa a 19 casos (6 menos) e mantén a alerta media.
- Monforte, Pantón e Sober teñen casos pero con incidencia leve.
- Folgoso e Taboada levan unha semana sen positivos. Únese Carballedo.
- Sen casos en máis de quince días: Ribas de Sil, Bóveda, O Saviñao, A Pobra de Brollón e Quiroga.