O campamento xuvenil A Devesa, en Ribadeo, realizou obras que aínda se están a executar para o acondicionamento das instalacións. Están financiadas cunha achega do Goberno autonómico de máis de 136.000 euros.
Estanse a levar a carbo labores de mantemento como a pintura interior e exterior dos barracóns, ao que se destinaron máis de 48.000 euros; o acondicionamento do camiño da entrada principal, no que investiron 25.700 euros; ou os traballos de carpintería, reparación de aseos e revisión das instalacións eléctricas, cun custo de máis de 26.000 euros.
Neste campamento lévanse a cabo actividades como surf, bodyboard, escalada en rocódromo, tiro con arco, xincanas acuáticas, obradoiros de reciclaxe para a conservación do medio e concursos de talentos, entre outras actividades.
Este campamento dividirase en sete quendas que ofrecerá ata 365 prazas e estará repartido do 1 e o 10 de xullo, do 15 ao 24 de xullo, do 29 de xullo ao 7 de agosto, e por último do 12 de ao 21 de agosto.
