Ribadeo conta cunha nova oficina de información ao peregrino, esta actuación forma parte dun dos obxectivos do obradoiro dual de emprego RibadeoXCamiño, que botou a andar en decembro. A instalación estará atendida polo alumnado do devandito obradoiro de luns a venres. De luns a mércores o horario será de 10:30 a 15:00 horas e os xoves e venres de 10:00 a 13:00 e de 15:00 a 19:00 horas.
Dous obxectivos deste obradorio foron o deseño, planificación e desenvolvemento da oficina de información ao peregrino e o por outro lado, o centro de interpretación do Santuario das Virtudes, ao mesmo tempo que se buscaba, ao ser un obradoiro dual, que se adquiriran coñecementos, formación e que se puxeran en práctica.
Así, a nova oficina reflicte perfectamente o obxectivo de potenciar e situar a Ribadeo como punto importantísimo do paso da ruta xacobea polo Concello xa que por un lado podese ver todo o itinerario da ruta xacobea, desde Roncesvalles ata Compostela, e por outro podese ver máis detalladamente cal é o paso do Camiño de Santiago polo casco urbano e tamén polo resto de parroquias en dirección a Compostela.