A Asociación Cultural Aturuxeiros de Bravos comunicou oficialmente que este ano haberá festival Aturuxo e celebrarase o 10 de xullo.
O festival ourolés chega este ano a súa novena edición xa que o ano pasado tivo que suspenderse por mor da pandemia.
O obxectivo do Festival Aturuxo de Ourol é poñer en valor a cultura galega pois cada edición desta cita reúne a grupos e artistas de referencia no panorama musical tradicional.
Este festival ten unha acampada gratuíta e buses dende a estación de autobuses de Viveiro ata Bravos. Ademais é un festival accesible para persoas xordas, xa que hai intérprete de lingua de signos.
