Continúa a recuperación da provincia cun novo descenso de casos activos de covid. Este martes hai 188 casos, 11 menos que onte, cando na xornada anterior o descenso foi de 17.
Diagnosticaron nas últimas 24 horas 7 casos novos (onte foron 4). As altas chegaron ás 12.636, 14 en 24 horas, cando onte foron 21.
Dende que comezou a pandemia, no mes de marzo do pasado ano, hai 13.045 casos rexistrados e 216 persoas falecidas.
A presión hospitalaria baixa un pouco, con 5 persoas ingresadas no Hula, 1 na UCI (1 menos) e catro en planta. Os outros dous hospitais seguen limpos de covid.
Os cambios de restricións por concellos están do seguinte xeito:
- Máxima. Para incidencia maior de 500 casos por 100.000 habitantes.
- Alta. Para incidencia de 250 a 500.
- Media. Para incidencia de 150 a 250. Viveiro e Xove.
- Baixa. Por debaixo de 150. O resto da provincia.
POR COMARCAS
A covid segue eliminándose dos concellos, agora só quedan 13 con casos e o virus continúa remitindo naqueles nos que está presente.
A Mariña
- Viveiro cae por debaixo dos dez casos acomulados en 15 días e certifica unha semana sen contaxios.
- Burela e Xove xa están con incidencia baixa e menos de dez casos.
- Cervo e Alfoz e O Vicedo están sen casos na última semana.
- Sen casos novos máis de 15 días están Ourol, A Pontenova, Riotorto, Barreiros, Trabada, Lourenzá, Mondoñedo e Foz. Únense Ribadeo e O Valadouro.
Terra Chá
- Vilalba, Friol, Abadín e As Pontes teñen casos pero con baixa incidencia. Únese de novo Begonte,
- Outeiro de Rei mantén 11 contaxios pero leva unha semana sen casos.
- Sen positivos dende hai máis de quince días están: Muras, Rábade, Castro de Rei, A Pastoriza, Xermade, Pol, Guitiriz, Cospeito e Meira.
Centro da provincia
- Os casos en Lugo sobe de novo 1 ata 82.
- O Corgo e Palas levan xa unha semana sen casos novos.
- Portomarín e Castroverde teñen casos pero con baixa incidencia.
- Limpos de covid nos últimos quince días están: Negueira de Muñiz, Baleira, Guntín, Antas de Ulla, Pedrafita, As Nogais, Baralla, Ribeira de Piquín, Becerreá, Cervantes, A Fonsagrada, Monterroso e Navia de Suarna.
Comarca de Sarria
- Sarria suma 1 caso ata 15 pero mantén a incidencia baixa.
- Paradela teñen casos pero con moi baixa incidencia e menos de dez.
- Triacastela suma unha semana sen casos.
- Samos, O Páramo, Láncara e O Incio seguen limpos de covid dende fai máis de dúas semanas.
Ribeira Sacra
- Monforte e Taboada teñen casos pero con incidencia leve.
- Chantada leva xa unha semana sen positivos.
- Sen casos en máis de quince días: Ribas de Sil, Bóveda, O Saviñao, Folgoso, Carballedo, Sober, Pantón, A Pobra de Brollón e Quiroga.
