O comité clínico que asesora á Xunta de Galicia na xestión da pandemia provocada pola covid-19, vén de acordar na súa xuntanza semanal retirara o nivel medio de restricións para os concellos de Viveiro e Xove polo que xa no quedara ningún con restricións na provincia.
De feito só quedarán en toda Galicia tres concellos con restricións medias: Camariñas, Malpica de Bergantiños e Soutomaior.
Estas medidas entrarán en vigor ás 0.00 horas do sábado 19 de xuño.
Os cambios de restricións por concellos están do seguinte xeito ata o sábado:
- Máxima. Para incidencia maior de 500 casos por 100.000 habitantes.
- Alta. Para incidencia de 250 a 500.
- Media. Para incidencia de 150 a 250. Viveiro e Xove.
- Baixa. Por debaixo de 150. O resto da provincia.
OS DATOS DE HOXE
Continúa a recuperación da provincia cun novo descenso de casos activos de covid. Este mércores hai 175 casos, 13 menos que onte, cando na xornada anterior o descenso foi de 11.
Diagnosticaron nas últimas 24 horas 7 casos novos (onte tamén foron 7). As altas chegaron ás 12.654, 18 en 24 horas, cando onte foron 14.
Dende que comezou a pandemia, no mes de marzo do pasado ano, hai 13.050 casos rexistrados e 216 persoas falecidas.
A presión hospitalaria mantense con 5 persoas ingresadas no Hula, 1 na UCI e catro en planta. Os outros dous hospitais seguen limpos de covid.
POR COMARCAS
A covid segue eliminándose dos concellos, agora só quedan 13 con casos e o virus continúa remitindo naqueles nos que está presente.
A Mariña
- Burela e Xove xa están con incidencia baixa e menos de dez casos.
- Cervo, Alfoz, O Vicedo e Viveiro están sen casos na última semana.
- Sen casos novos máis de 15 días están Ourol, A Pontenova, Riotorto, Barreiros, Trabada, Lourenzá, Mondoñedo, Foz, Ribadeo e O Valadouro.
Terra Chá
- Vilalba, Friol, Abadín, As Pontes e Begonte teñen casos pero con baixa incidencia.
- Outeiro de Rei baixa a 10 contaxios (1 menos) pero leva unha semana sen casos.
- Sen positivos dende hai máis de quince días están: Muras, Rábade, Castro de Rei, A Pastoriza, Xermade, Pol, Guitiriz, Cospeito e Meira.
Centro da provincia
- Os casos en Lugo sobe de novo 1 ata 83.
- O Corgo e Palas levan xa unha semana sen casos novos.
- Portomarín e Castroverde teñen casos pero con baixa incidencia.
- Limpos de covid nos últimos quince días están: Negueira de Muñiz, Baleira, Guntín, Antas de Ulla, Pedrafita, As Nogais, Baralla, Ribeira de Piquín, Becerreá, Cervantes, A Fonsagrada, Monterroso e Navia de Suarna.
Comarca de Sarria
- Sarria mantense en 15 casos pero mantén a incidencia baixa.
- Paradela ten casos pero con moi baixa incidencia e menos de dez.
- Triacastela suma unha semana sen casos.
- Samos, O Páramo, Láncara e O Incio seguen limpos de covid dende fai máis de dúas semanas.
Ribeira Sacra
- Monforte ten casos pero con incidencia leve.
- Chantada leva xa unha semana sen positivos. Únese Taboada.
- Sen casos en máis de quince días: Ribas de Sil, Bóveda, O Saviñao, Folgoso, Carballedo, Sober, Pantón, A Pobra de Brollón e Quiroga.
