A asociación Xermolos de Guitiriz ven de comunicar os gañadores do XLII Certame Terra Chá de creación infantil e xuvenil, un concurso vinculado ao Festival de Pardiñas. Neste concurso participaron este ano 1.328 persoas nas especialidades de contos, debuxo, poesía, teatro, documentais, fotografía, cómic, murais, grafiti, vídeo-creación, improvisación oral, regueifas e rap.
Os premios van ser entregados o sábado 28 de agosto dentro das actividades do XLII Festival de Pardiñas, ás 7 da tarde no Campo da Feira de Guitiriz, respectando as medidas sanitarias. Toda esa xornada vai haber actividades coma música, obradoiros, grafiti, xogos, etc.
A lista de premiados pode consultarse no seguinte enlace.
