A Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica e o Reto Demográfico, mellora a capacidade hidráulica do río Madalena, afluente do Ladra, ao seu paso por Vilalba.
As actuacións en execución axudarán a recuperar o funcionamento natural do río, amortecendo o efecto dos procesos hidrolóxicos, aumentando a súa heteroxeneidade e grao de naturalidade.
Estes traballos dividíronse en 4 zonas de actuación que abarcan máis de 2800 metros lineais de leito, situadas dentro do espazo natural protexido LIC PARGA-LADRA- TÁMOGA:
- Zona 1: desde a ponte da estrada LU-118 ata a praia fluvial
- Zona 2: desde a praia fluvial ata a ponte Madanela
- Zona 3: desde a ponte Madanela ata a ponte Dos Pasos
- Zona 4: Desde a ponte Dous Pasos ata o Muiíño do Rañego
Nestas 4 zonas realizarase unha mellora na composición da vexetación de ribeira de tal maneira que se eliminen os pés secos ou cun alto risco de caída. Igualmente efectuaranse curtas e podas sanitarias naqueles exemplares, que, por enfermidade, porte ou perigo, necesiten delas.
Ademais, os traballos de apeo técnico realizaranse na zona 3 e zona 4 e consistirán na retirada ou poda sanitaria daqueles exemplares secos con inminente risco de caída.
Realizarase tamén unha reposición mediante estaquillado e plantación de especies autóctonas naquelas zonas que se atopen máis despobladas de vexetación. Estas plantacións realizaranse unha vez terminada a actuación principal e na época adecuada, principalmente finais de verán. As especies preferentes a utilizar serán: Fraxinus excelsior (Fresno), Laurus nobilis (Laurel), Salix atrocineria (Salgueiro cincento)
Os traballos executaranse de forma manual no leito e con apoio de maquinaria (tractor con pluma e cabrestante) desde o exterior (fose leito). No caso de curtas de amieiros, aplicaranse as medidas ou recomendacións profilácticas co obxecto de evitar a propagación de Phytophthora alni.
O investimento estimado supera os 18.000 euros.
